ـلاتوادعـنـي دخـيـل الله لاتبـكـي عيـونـيـ
ـو انت عارف شنطتي دمعي و ضيقاتـي متاعـيـ
ـسفرتي .. و مفارقك .. و البعد .. للضيقه حدونيـ
ـحسبي الله و الوكيل الله علـى بعـض المساعـيـ
ـسيـدي و الذاكره حيـه و لكنهـم نسونـيـ
ـالله يثبـت اركـون القلـب فـي لحظـة وداعـيـ
ـايه انا مسافر و لكن .. شفنـي مسافـر بدونـيـ
ـانت نفسي و السفر موحـش ولا لـه اي داعـيـ
ـالله يديـم الثـلاث الـلـي بفـقـدك صبـرونـيـ
ـحاجتي لك .. و ارتباطي فيك .. و الشوق الجماعيـ
ـكنهـم فـي رحلتـي هـذي يبـون يوزعـونـيـ
ـبس عادي لايهمك و انـت فـي يـدك اجتماعـيـ
ـكـل ماطـرو سفـر الايـام عنـدي ضايقونـيـ
ـلايطرون السفر و الدمع غيمـي و انـت قاعـيـ
ـالله يحفظـك و يحفظنـي لـو ان المـوت دونـيـ
ـو الله يخفـف هبـوب الريـح لاتجـرح شراعـيـ
ـفي امان الله و اسمـع .. كـل ربعـي وادعونـيـ
ـو انت وادعني و عطني تذكـرة رحلـة ضياعـيـ